وەزارەتی ناوخۆی عێراق: لە یەک رۆژدا زیاتر لە 12 هەزار سەرپێچی هاتووچۆ تۆمار کراون
ژمارەیەکی خەیاڵی لە تۆمارکردنی سەرپێچی هاتووچۆ لە سەرانسەری عێراق تۆمارکراون
وەزارەتی ناوخۆی عێراق ئاماری سەرپێچییەکانی هاتووچۆی تەنیا یەک ڕۆژی بڵاوکردە و ژمارەیەکی خەیاڵی ئاشکرا دەکەن.
ئەمڕۆ یەکشەممە، وەزارەتی ناوخۆی عێراق ڕایگەیاند، تەنیا دوێنێ، ڕۆژی شەممە، لە ئەنجامی هەوڵە مەیدانییەکانیان بۆ تۆمارکردنی سەرپێچییەکان و رێکخستنی جووڵەی شەقامەکان، 12,150 سەرپێچیی جۆراوجۆر تۆمارکراوە، لەگەڵ دەستبەسەرداگرتنی 123 ئۆتۆمبێل و 80 ماتۆڕسکیل، هەروەها 458 مۆڵەتی شۆفێری و 159 ساڵانەی تۆمارکردن لە سەرپێچیکاران وەرگیراونەتەوە.
لە ڕاگەیەندراوەکەدا هاتووە، پارێزگای بەغدا بە هەردوو بەری کەرخ و رەسافەوە لە پلەی یەکەمدایە بۆ زۆرترین ژمارەی سەرپێچییەکان، دوای ئەویش پارێزگاکانی بابل، نەجەف، کەربەلا و نەینەوا دێن.
باوترین جۆرەکانی سەرپێچیش بریتی بوون لە:
- 838 سەرپێچیی لێخوڕین بە خێرایی زیاد لە رێپێدراو.
- 348 سەرپێچیی لێدان لە چرای سوور.
- 333 سەرپێچیی بەکارهێنانی مۆبایل لەکاتی شۆفێریدا.
- 248 سەرپێچیی رۆیشتن بە پێچەوانەی ئاراستە.
