بۆ وا لەم حزبە خاوەن مێژووە دەکەن، ئێوە کادرە بەهێزەکان دەفەوتێنن.
دلێر ماوەتی کادری دیاری یەکێتی و پەرلەمانتاری پێشووی کودستان لەبارەی نیگەرانییەکان و دۆخی ناوخۆی حزبەکەی نووسینێکی پڕ لە رەخنەی بڵاوکردوەتەوە.
دەقی وتارەکەی دلێر ماوەتی:
بەلای زۆربەی کادرانەوە گۆڕانکاریەکانی ئەم دواییەی یەکێتی سەیر بوون ، لەپێشنیاری لیژنەیەک دەچێت نەحزبەکەی دەناسێت نەکادیرەکانی ، مەبەستم ئەوەنییە بڵێم هەندێک لەمانە لاوازن بەڵکو دەڵێم کادری بەهێزتر هەیە کەڕێکخستن دەیانناسێ و باشتر ئیلتزامی پێوە دەکەن ، لەلایەکی تریشەوە کادیران بەمجۆرە دانانە نائومێدو زویر دەبن بەڵام قسە ناکەن . سەیرە بۆ والەم حزبەخاوەن مێژوە دەکەن ، یەکێتیەک ئەو مێژوە خوێناویەی هەبێ.
ئەو هەموو کادرو تێکۆشەرە وشیارەی هەبێ ، لەهەموو تەنگانەکاندا یەکێتیان هەڵسانبێتەوە بۆ ،ئاوا ئۆرگانەکان ئیهمال بکەیت و بەو شێوەیە لێپرسراویان بۆ هەڵبژێریت ، دەتونم ناوی سەدان کادیرتان بۆ بنوسم لەبەشێک لەمانە وشیارترو دڵسۆزتر و موستەحەق ترن ، زۆریشیان پێوتم هیچ مەنوسەوڕاستی ووتن مەترسیدارە بەڵام ناتوانم بکوژی ڕاستیەکان بم و جەرگم دەسوتێ بۆ یەکێتی ، کاتێکیش کەزانیت لەهەر شوێنێک کەکارت کردو حیزب بەلایەوە گرنگ نەبوو ، ئیلتزام بکەیت و نەکەیت وەکو یەکە ، یان زۆر جار بەدڵسۆزی و رەخنەکانت دڵتەنگ دەبن ، بەجێهێشتنی باشترە چونکە لانیکەم ڕێز لەخۆت دەگریت .
